சிலம்பு

பிழைத்தோருக்கோ
பிழைத்தவருக்கோ
கூற்றென்றொன்றுண்டு
அறமென்றொன்றுண்டா?
அரசியலில்.

மனு

அந்தண மகனை அடுத்தவூரணுப்பு
சத்திரியச்சேய்கு மயிருடண் அபராதமாயிரம்
சொத்தைப்பறித்துச்சிறையிலடை வைசியனை
சூத்திரணைக் கொன்றுவிடு
நாப்பிள்ளைத்தந்தை நாட்டாமை
வருணத்தில் பலாத்கார வலிமாறுமா?
மனு உரைத்தது தர்மமா?

மழை

பெரும்மழை பெய்துரைத்ததின்று 

நாட்டினில் நல்லவருடெண்று
தேடிப்பிடிப்பதெம் கடமை. உனதும்.
ஆள்பவரிடையேத்தேடினில் யாம் மூடன். நீயும்.

நாம் தமிழர்

செங்கொடியின் இறுதி ஊர்வலத்திற்கு
கூடியவர்களை விட
மங்காத்தாவின் முதல் காட்சிக்கு
குவிந்தவர்கள் அதிகம் !

பழமொழிகள் ஜாக்கிரதை

கூழானாலும் குளித்துக் குடி...

குளித்து முடித்திருக்கிறேன்...

பொருமியது பசித்தவன் வயிறு!

கந்தையானாலும் கசக்கிக் கட்டு...

கசக்கிக் கசக்கியே கந்தையானால்?

சினத்துடன் சலவைத் தொழிலாளி!

ஐந்தில் வளையாதது ஐம்பதிலும் வளையாதாம்...

சிரித்துக் கொண்டேச் சென்றாள்

கூன் விழுந்த கிழவி!

அகத்தின் அழகு

முகத்தில் தெரியுமாம்...

நகைத்து மறைந்தது நிலவு!

காற்றின் வழி

கைகள் படாத புத்தகப் பக்கங்களின்

கன்னித் தன்மையைக்

கவர்ந்து செல்கிறது காற்று

குழந்தை மனம்

மெல்லிய சோகம் இழையோடும்

நீண்ட தூர இரயில் பயணத்தில்

ஜன்னல்களுக்கு வெளியே கைகளை ஆட்டி மகிழும்

குழந்தைகளின் சிரிப்பில்

ஜில்லென்றானது மனம்.